"तुझ्या आठवणी...!"

"तुझ्या आठवणी...!"
.
पुसट होत चाललेल्या,
तुझ्या आठवणी....
तरी मनात घर करून बसलेल्या,
तुझ्या आठवणी....
.
डोळ्यात पाणी आणणा-या,
तुझ्या आठवणी....
मग लगेचच हसवणा-या देखील,
तुझ्याच आठवणी....
.
चांदण्या रात्री माझ्यासोबत बसणा-या,
तुझ्या आठवणी....
आपली कहाणी चांदण्यांना सांगणा-या,
तुझ्या आठवणी....
.
माझ्यासोबत कविता करणा-या,
तुझ्या आठवणी....
त्या कविता गाणा-या देखील,
तुझ्याच आठवणी....
.
माझ्यासोबत पावसात भिजणा-या,
तुझ्या आठवणी....
खिडकीतून पावसाचे थेंब वेचणा-या देखील,
तुझ्याच आठवणी....
.
माझ्याशी सतत बडबडणा-या,
तुझ्या आठवणी....
मग अचानक मुके होणा-या देखील,
तुझ्याच आठवणी....
.
कितीही हरवल्या तरी,
परत सापडणा-या तुझ्या आठवणी....
तुझ्याविना जगताना पण आता,
उरल्यात त्या फक्त तुझ्या आठवणी....
.
तुझ्या आठवणी....
फक्त तुझ्याच आठवणी....